شمت قآفي خوفي المعنى جحوف

شمت قافـي خوفـي المعنـى جحـوف
عن حبيب ٍ يم قلبه هلت دموعـي صيـاح



انهزمـت وذعـت ماجانـي خـطـوف
مقبلٍ بسلوم سـاسٍ ماتعـدت بـه ريـاح



مستلم خفاق قلبي معتـري حلـمٍ يطـوف
رغبتي بالحلم ليته بالحقيقـه لـي مبـاح




انتهيت ومانتهت ذيك المشاعر في نـزوف
مبطيه ترجي سرابه علها تلقـى السـراح



وش يكون اللي تغنى عند بيبـان الهنـوف
عند خلي كل شاعر باتت اشعـاره طيـاح



راح قولي راح صوتي ماسمعت الا كفوف
صفقها من قل حظٍ علها وسبـب جـراح



ليتنا نهزم خطرنـا ونتعـدى هالظـروف
ليت تتلاقى الايادي في خلاوي وانشـراح



ننعش زهور الثواني حيثنا قلـبٍ شغـوف
وان لقينا الصعب نصبر مايقاومنا اجتيـاح



كل قولي سم وابشر دون توكيد وحلـوف
مهرتك ماله اماني غير تأجيـل الـرواح



ودي ابقى معك سبحه وليمينـك ماتعـوف
بين سبابه يمينك و بيـن الابهـام ارتيـاح



ودي ابقى فيك دايم وغير عينك مااشـوف
نظرة عيونك حبيبي ليتها لعينـي وشـاح



آه واويل الاماني كيـف لديـارك تهـوف
في رحاب رياض قلبك صبحها لين المراح



ذا قصيدي فيك نبذه عن شعورٍ بي يحوف
عن امل يكسي هيامي عن امل كل الملاح







وسلامتكـم ~


تحياتي لكم

يعطيك الف عافيه اخوي