غيابك

النجم يشكـي مـن تغيـر مسـاره
الليـل طـول والهواجـس كثيـره
مدري الظلام البـرد والحـر نـاره
مدري الجروح النزف صارت خطيره
مدري العدو الصدق من صار جاره
كل الدروب بعين صمتـي عسيـره
عقب الرحيـل المـر مريـت داره
يا ليتني ما جيت هـا ذيـك ديـره
هليت دمعي في ركـن كـل حـاره
اظلم على السوق وقـت الظهيـره
لا عاد افـرّق بيـن ليـل ونهـاره
اصبح علو الارض مثـل الحفيـره
انتي ربيع القلـب وانتـي دمـاره
ان غاب طيفك فالهواجـس كثيـره