أجرحيني كان ودك في خفوقي تجرحين

بالحبيبة في غيابك لا تزيدي من عناي
والله أنك يوم رحتي ما بغيتك ترجعين
,,,,
قلت روحي والعذارى كلبوهن في سماي
أتنقى ألي أبيها وأتخير طـــرف عين
,,,,
وأتنقى بين ذيك وبين هاي وبين هاي
كلبوهن عند عيني يحترنك تبعدين
,,,,
أحسبنك لا رحلتي وابتعدتي عن هواي
بنسى حبك يا دفينة وسط قلبي من سنين
,,,,
وأثر حبك ساطين بي مستقرن في حشاي
نابتن في روض قلبي مثل نبت الياسمين
,,,,
حتى طيفك من رحلتي ماتركني في عناي
هاجس(ن) كني أشوفه في عيون الحاضرين
,,,,
يالحبيبة سامحيني ودمحيلي عن خطاي
والله أن الحب لولا هالخطايا ما يزين
,,,,
عاتبيني وذبحيني ولا يهمك وش بلاي
واجرحيني كان ودك في خفوقي تجرحين
,,,,
بس حطي وسط بالك يا بداي ومنتهاي
أنك أغلا من عرفته في خفوقي من سنين